مير علي
شير قانع جو ڪتاب
”معيار
سالڪانِ طريقت“
رکيل مورائي
سنڌ جي تاريخ ۽ ان ۾
حصيدار بزرگن جي ذڪر ۽ فڪر تي ٻڌل هيءُ هڪ اهڙو ڪتاب آهي، جنهن جو ليکڪ سنڌ جو
ڄاتل سڃاتل ۽ تحفته الڪرام جهڙي غير معمولي ڪتاب جو ليکڪ مير
علي شير قانع آهي، جنهن ڪيترن ئي بزرگن جو سوانحي تذڪرو لکي سنڌ جي اهم
ميراث ڪٺي ڪئي. هيءُ ڪتاب فارسيءَ جو ترجمو آهي، جنهن جي هڪ ڪاپي سنڌ جي وطن دوست
تاريخدان سيد حسام الدين راشدي صاحب لنڊن مان
مائڪرو فلم ذريعي سنڌ گهرائي هئي. هيءُ ڪتاب شيخ محمد
حسن يحيٰ القريشي ٿريچاڻويءَ ترجمو ڪيو آهي ۽ ان جو مقدمو ۽ حواشيا مخدوم سليم الله صديقي صاحب لکيا آهن.
سنڌ جي هن آڳاٽي
ڪتاب کي سنڌي ادبي بورڊ نهايت سهڻي نموني شايع ڪري هڪ غير معمولي ڪتاب سنڌ جي
تاريخ ۽ سنڌ جي مشاهيرن سان دلچسپي رکندڙن کي ڏنو آهي، جنهن محترم سليم الله صديقي
صاحب جون ڪوشسون ياد رکڻ جهڙيون آهن.
مير علي شير قانع
هونئن سنڌي توڙي پارسيءَ ۾ تاريخ جو مطالعو ڪندڙن لاءِ نئون نالو نه آهي، ۽ هيءُ
ڪتاب قانع جي انهيءَ نسخي جو ترجمو آهي، جيڪو 1248 هجريءَ ۾ مير مراد علي ٽالپر جي
حڪم تي نقل ڪيو ويو هو، جيڪو برٽش ميوزيم ۾ نمبر 589,ADD-21 تحت محفوظ ڪيل هو.
هن ڪتاب جو شايع ٿيڻ
سنڌ جي تاريخ ۽ ادب لاءِ سڀاڳ آهي. ساڳئي وقت اڄ جي نوجوان تاريخدانن لاءِ پڻ هڪ
اهم ڪتاب ثابت ٿيندو. ڊبل ڪرائون سائيز ۾ پڪي جلد ۽ وڻندڙ ٽائيٽل سان ڇپيل هن
تذڪري ۾ 699 صفحا آهن. هن سنڌ جي شاندار تذڪري جو 620 رپيا آهي. تاريخ سان دلچسپي
رکندڙن لاءِ بيحد اهم ڪتاب بورڊ جي لسٽ ۾ هڪ وڻندڙ واڌارو آهي.
No comments:
Post a Comment