هڪ
صوفياڻي شاعريءَ جو ڪتاب
نينهن ڪيو
نروار
رکيل مورائي
سنڌ ۾ صوفياڻي
شاعري سدائين ٿيندي رهي آهي. ائين سنڌ ۾ صوفي شاعرن جو هڪ ڊگهو تسلسل آهي، جنهن جي
شايد اڄ جي ڪڙي، فقير الهه وڌايو سومرو آهي، جيڪو پڻ سنڌي
صوفياڻي شاعريءَ جو سرجڻهار آهي. سندس تخليقون ممڪن آهي ڳايون به وينديون هجن، ڇاڪاڻ
ته صوفياڻي شاعريءَ جو معراج راڳداري آهي. ساڳئي وقت فقير الهه وڌائي سومري جي شاعري
سهيڙي، اسان جي دوست شاعر گوهر سنڌيءَ هڪ ڪتاب ترتيب ڏنو
آهي جنهن جو هن عنوان رکيو آهي ”نيهن ڪيو نروار“.
هن صوفياڻي
سٽ وارو ڪتاب ڪٿي ڪٿي سنڌ جي تصوف وارو ويڙهاڪ پڻو به کڻي اچي ٿو، جنهن جو سنڌ ۾ سرواڻ
شاهه عنايت صوفي آهي. ڇا به هجي هيءُ صوفياڻي شاعريءَ جو ڪتاب سهيڙي گوهر سنڌيءَ، سنڌ
واسين کي پنهنجو اصل پيغام ڏنو آهي، جنهن لاءِ هو جس لهڻي، خاص طور گوهر سنڌيءَ جو
مقدمو پڻ ڪتاب جي اهميت کي اجاگر ڪري ٿو. سونهن پبليڪيشن خيرپورپاران ڇپيل هن سهڻي
ٽائيٽل ۽ پڪي جلد واري ڪتاب جو ملهه 200 رپيا آهي ۽ ڪتاب ۾ 224 صفحا آهن.
No comments:
Post a Comment