نوجوان شاعر ارشاد ڪاظميءَ جون
ساحلن تي آوارگيون
رکيل مورائي
وڏي عرصي کان شعري دنيا کان پري ٿيندڙ يا پري رهندڙ
دوست ارشاد ڪاظميءَ جو شاعراڻو ڪتاب پڙهندڙن اڳيان آيو آهي، ته سچ پچ خوشي ٿي آهي.
خوشي ان لاءِ جو خوبصورت نظم سنڌي شاعريءَ کي ڏيندڙ ارشاد ڪاظمي موجوده ڪُجهه سالن
۾ نظر نه اچي رهيو هو، ائين جيئن هاڻ پروڙ رسالو ڏسڻ ۾
نٿو اچي، جيتوڻيڪ ان جو سرواڻ اسان جو پيارو دوست ۽ سنڌي جديد شاعريءَ جي پهرئين انٿالاجي
ڏيندڙ مظفر چانڊيو، اڳي کان وڌيڪ سرگرم آهي ۽ ارشاد ڪاظمي ان انٿالاجيءَ
۾ شريڪ آهي. اها سندس اهم سڃاڻپ آهي ۽ هڪ مضبوط سڃاڻپ هاڻ هيءُ ڪتاب بڻجندو، جنهن جو
نالو آهي ساحلن تي آوارگيون.
۽ ڪتاب ۾ شامل اهي سڀ آوارگيون محسوس ڪرڻ جهڙيون آهن.
ارشاد وٽ نه فقط خوبصورت ٻولي آهي، پر هن جو اظهار ۽ ان اظهار ۾ آيل ويچار پڻ نئون
آهي ۽ اهڙو آهي جيڪو هن کي هڪ ماڊرن شاعر/ڪوتاڪار جي سڃاڻپ ڏئي ٿو. هڪ اهڙي سڃاڻپ،
جيڪا شهري زندگيءَ جي اذيتن کي اظهاريندڙ طور اڀري اچي، يا سندس ڪو به نظم پڙهندي،
اڄ جو مشيني دور نظر اچي.
ساحلن تي آوارگيون ۾ ميشني زندگي جو اظهار ته آهي ئي،
پر ان ۾ زندگيءَ جي گهڻين باريڪين جو شاعراڻو اظهار به آهي، ته آوارگين جو احساس به.
ائين هيءُ ڪتاب، نئين ڪوتا/نثري نظمن جو هڪ لاجواب ڪتاب آهي، جيڪو پڙهڻ جهڙو به آهي
ته پڙهڻ کان پوءِ ويچارڻ جهڙو به آهي. سمنڊ جي آوارگين واري تصوير سان جڙيل پڪي جلد
وارو هيءُ ڪتاب نئين سنڌ اڪيڊمي ڪراچي جي سرواڻ اسان جي دوست حميد سبزوئي شايع ڪيو آهي. 140 صفحن جي هن ڪتاب جو ملهه 200 رپيا آهي.
No comments:
Post a Comment